Komuna e Gjakovës njofton për stërvitje të FSK-së nga data 17 – 26 qershor, kërkon mirëkuptimine qytetarëve

10:58 | 10 Qershor 2025
E.G

Komuna e Gjakovës ka bërë të ditur se Forca e Sigurisë së Kosovës do të realizojë stërvitje ushtarake nga data 17 deri më 26 qershor në hapësirat e Aeroportit të Gjakovës dhe në zonat përreth.

Sipas njoftimit, gjatë kësaj periudhe do të ketë lëvizje të këmbësorisë dhe automjeteve ushtarake, shkruan Arbresh.info.

“Njoftim nga Forca e Sigurisë së Kosovës Të nderuar qytetarë të Komunës së Gjakovës, Ju njoftojmë se, bazuar në planin e rregullt të stërvitjeve, Forca e Sigurisë së Kosovës do të realizojë stërvitje ushtarake nga data 17 deri më 26 qershor , në hapësirat e Aeroportit të Gjakovës dhe në zonat përreth. Gjatë kësaj periudhe do të ketë lëvizje të këmbësorisë dhe automjeteve ushtarake.”, thuhet në njoftim.

“Kërkojmë mirëkuptimin tuaj për çdo shqetësim të mundshëm dhe ju falënderojmë për bashkëpunimin!”, thuhet tutje./Arbresh.info/